Gure ikuskizun izarra: bizikletak oinarri, bi modalitate ezberdin uztartzen dituena: dirt jump-a eta trialsina, bizikleta ezberdinekin jorratzen direnak. Lehenean, estruktura eta malda batzuk ipiniz altuera handiko jauziak egin eta akrobazia ikusgarriak egiten saiatzen dira riderrak, eta bigarrenean, modulu, kutxa, enbor… ezberdinen gainetik jauzika, saltoka, zirkuitu bat osatzean datza. Adin guztietako boluntarioak ere behar izaten ditugu!

Estruktura, malda, modulu eta abarrak ipintzen dira, motoen bidez triala egin eta horien gainetik ibilbide bat osatzeko jauzika. Zailtasuna areagotzen doa ikuskizunean zehar, geroz eta jauzi handiago eta zailagoak egitera behartuz. Hortaz gain, motorren gainean daukaten abilezia erakusteko truku ezberdinak egingo dituzte, ikusleen artetik eta beraien aurrean, arriskua eta hori gainditzeko kontrol ikusgarria erakutsiz.

Roller, scoot eta BMX bizikletak tarteko, modulu eta jauzi ezberdinetan ariketa ezberdin eta zirraragarriak eskaintzen dituzte gure protagonistek. Askotan, gauza handiegirik ere ez dute behar beraien abilezia erakusteko, inolako trabarik edo inolako objekturik behar gabe, BMX edota patinekin imajinaezinak diren mugimenduak eta ariketak egiteko gai baitira.